سهير رمزي: شربت والدتي مادة سامة بدل الدواء (فيديو) | خبر



حكت الفنانة سهير رمزي عن موقف صعب عاشته مع والدتها الراحلة، كادت فيه أن تتسبب في تسميمها.

وقالت سهير رمزي خلال لقائها ببرنامج “حبر سري” من تقديم أسماء إبراهيم وبعرض عبر قناة “القاهرة والناس”: كانت حكاية غريبة، أنا بحب أمي بجنون، في يوم تعبت وقالت لي عندي مغص وتعبانه، وأنا كان عندي دواء بيريح المعدة، لما هي بتتعب أنا أعصابي بتبوظ، دخلت وجبت إزازة وشربتها، وبدين رجعت لقيت إزازة الدواء اللي كنت هديهولها.

والدة سهير رمزي

وتابعت: طلع أني إديتها من إزازة زيت مادة سامة، كان بينضف “الفيديو” من جوا، اترعبت وطلبت من حد بيساعدني في البيت ينزل للصيدلية ويسأل، وفعلا كان لازم أمي تاخد شربة ملح علشان ألحقها.

نرشح لك: سهير رمزي: بزعل لما أشوف نفسي بالحجاب اللي كنت بعمله (فيديو)

وأكملت: روحت لوالدتي وطلبت منها تاخد شربة ملح، سألتني ليه دا الدواء مريحني، ولما عرفت قالت: أنتي هتموتي أمك بالألوان ولا الأبيض والأسود دا زيت تنضيف التليفزيون.

وخلال اللقاء أكدت سهير رمزي أنها لا تنزعج مما يقال عن فترة ارتدائها الحجاب وأنها فعلت ذلك لأنه كان موضة رائجة وقتها.

وقالت: مبزعلش لأن هو لو موضة كانت حلوة لأن فيها تغطية، لكن بزعل من نفسي دلوقتي لما بتفرج وأشوف شكلي بالحجاب، لأنه كان كتير أوي كنت بعمل طرح كتير وألوان كتير، لكن أي انتقاد مش بيزعلني.

كما تحدثت سهير رمزي خلال الحلقة عن الأدوار الجريئة التي قدمتها وقالت: زمان كنا بننزل بلبس قصير ومفتوح ومحدش بيبص لنا، لكن دلوقتي لأ، كل ده من السوشيال ميديا، وافتكروا قبلها إحنا كنا فين ودلوقتي بقينا فين، النهاردة العيلة لما تقعد مع بعض محدش بيكلم التاني، أنا بابقى ماسكة موبايل وجوزي ماسك موبايل، نتكلم كلمتين ونرجع للموبايل.

سهير رمزي وأسماء إبراهيم من كواليس “حبر سري”

وأكدت إنزعاجها من عثورها على فيديوهات مشاهدها الجريئة على الإنترنت، موضحة: “أنت بتستفيد إيه لما تكتب كده أو تقول ده دلوقتي، وبعدين دي حدوتة الفيلم، أنا كنت جريئة في بعض المشاهد شوية، إنما في سياق الموضوع، مش هبقى قاعدة في الصالون لابسة مايوه، المايوه يتلبس على البحر، ده اللي كنت بعمله وكل البنات بتعمله”.

أكدت سهير رمزي إنها لا تريد حذف فيديوهاتها من يوتيوب لأنه تاريخها

يذكر أن سهير رمزي تواصل تصوير مسلسلها “أم البنات” ويشاركها في بطولته ناصر سيف، فريال يوسف، محمد عبد الجواد، حنان سليمان، حنان يوسف، ياسر علي ماهر، أيمن عزب، سميرة صدقي، مادلين طبر، فاطمة الكاشف، والفنانين الشباب: هاجر الشرنوبي، ديانا هشام، منة عرفة، هايدي رفعت، سيلين عبد العزيز، محمد مهران، محمد أحمد ماهر، أحمد جمال سعيد، حسن عيد، رانيا الخواجة، صوفيا، إكرامي هجرس، ياسمين جمال، محمد طارق، ولاء سلام، إنتاج رمسيس للإنتاج الفني – للمنتج محروس المصري، تأليف أحمد صبحي، ومن إخراج عبد العزيز حشاد.

اقرأ أيضا:

دار Louis Vuitton تستعين بأغنية “بسبوس عاشق بسة” لأحدث عروض أزيائها للرجال – فيديو

سهير رمزي: لو رجع بي الزمن مش هقدم المشاهد الجريئة وبتضايق من فيديوهاتي على الإنترنت

أول رد من رامي جمال بعد صدور حكم إلزامه بتعويض منتج ليبي

وفاة اليوتيوبر السعودي عزيز الأحمد “كوسكال بابا العرب”

لا يفوتك: “تحليل النغمات مع عمك البات” تقييم أغنية “يا عراف” لأحمد سعد وأحمد زعيم والفنان التونسي نوردو

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5

⛔️ التفاصيل من المصدر – اضغط هنا

التعليقات

اترك تعليقاً

لن يتم نشر عنوان بريدك الإلكتروني.

close